Bejko: Mos humbasim më kohë, të rishikohet urgjentisht reforma territoriale

Në mbledhjen që po mban Partia Demokratike është folur rreth reformës territoriale. Në fjalën e tij, deputeti Roland Bejko është shprehur se kjo reformës duhet rishikuar në mënyrë urgjente.  Sipas tij, pasojat e saj janë renditur një për një nga Kontrolli i Lartë i Shtetit dhe nuk duhet të vonojë më.

“Është një nga reformat e rëndësishme për Shqipërinë. PD e ndërmori këtë iniciative mbështetur mbi reagimet e shumta të qytetarëve, raporteve të institucioneve të huaja, konkluzioneve të KLSH, progres raporteve të BE. Të gjithë bien dakord që kjo reformë ka nevojë urgjente për një analizë dhe për një rishikim”, tha Bejko.

Sakaq, kujtojmë se PD i ka mëshuar vazhdimisht faktit që duhet të rishikohet reforma territoriale, duke akuzuar qeverinë se bëri ndryshime të saj për interesa politike.