Beleri: Shteti i së drejtës në Shqipëri nuk funksionon

Sundimi i ligjit në Shqipëri nuk funksionon, është ankuar për median greke SKAI 100.3, Fredi Beleri nga burgjet e Durrësit ku ndodhet në paraburgim.

Më 4 dhjetor, pas 6 muajsh pengesë, do të ekzekutohet kërkesa ime në gjykatën speciale nëse do të betohem apo jo, tha kryebashkiaku i zgjedhur Himarës.

Ligji, shpjegoi z. Beleri, është i qartë, kur dikush nuk është dënuar dhe vendimi nuk ka marrë formë të prerë, ai mund të betohet. Për të njëjtin krim jam në paraburgim, ndërsa dy kryetarë të tjerë janë në detyrë në momentin që ka video dhe dëshmi për dy rastet e tjera. Një dëshmitar i vetëm pranoi se kishte marrë ryshfet me 7000 euro, ndërsa drejtori i policisë së Himarës u gradua, theksoi ai.

“Opozita nuk mund të kryejë detyrat e saj në Parlament, ka gjueti shtrigash nga qeveria (shqiptare), kushdo që nuk pëlqehet nga Rama persekutohet në çdo kohë. Nuk ka barazi”, theksoi ai.

Rama përshkon vendet e tjera dhe shihet si pro-evropian dhe modern, ndërkohë që 1 milion shqiptarë janë larguar nga vendi, tha ai, duke e cilësuar Edi Ramën si “të llastuar”.

“Shumë media shqiptare mbështesin qëndrimin e Greqisë. Ata që mbështesin zotin Rama janë shumë të paktë dhe janë në shënjestër, tha Fredi Beleri.

“Jam mirë, jam i pafajshëm, i prekur nga dashuria e botës dhe jo vetëm e Himariotëve nga e gjithë Greqia”, theksoi ai.