Deputeti Belind Këlliçi ka deklaruar ditën e sotme se, Lulzim Basha nuk i ka menduar pasojat e vendimmarrjes së tij për përjashtimin e Sali Berishës nga grupi parlamentar. Duke komentuar situatën e PD, gjatë një interviste televizive ai tha se, se data 11 është ajo që kanë kërkuar delegatët dhe sipas tij atë ditë do të ketë një pjesëmarrje masive. Këlliçi tha, se ai që prej fillimit ka mbështetur “Foltoren” e Berishës dhe do të përballet me çdo kritikë që i vjen nga Basha dhe mbështetësit e tij
“Unë mendoj se Basha nuk i ka menduar pasojat e vendimmarrjes së tij. Ke prekur trashëgiminë e PD me të mirat dhe të këqijat e veta. Zoti Berisha edhe sot që flasim për gjyqin që ka hapur nuk kërkon revokim. Kur kam shkuar për foltoren e rinisë kam shkuar në emër të bashkimit, kam ndarë qelinë e burgut e kam ngrënë gazin lotsjellës. Edhe pse mos të kem frikë nga fjala e tyre unë?
Unë uroj që të mos ketë tentativë për të mos ndërruar listën dhe emrat. Ka një avantazh foltorja. Listat janë në PD dhe u është bërë thirrje kryetarit edhe të tjerëve që të vijnë të verifikojnë firmat. Në datën 11 do shihni një pjesëmarrje masive të delegatëve. Do ketë ndryshime statutore. Kjo po bëhet edhe për atë pakicë në PD. Mediat të vijnë të bëjnë transparencë në datën 11”, tha Këlliçi, ndërsa u shpreh i sigurt që Berisha do të vijë sërish ne pushtet për të rrëzuar Basha dhe Ramën.
Discussion about this post