Kandidati i koalicionit opozitar për bashkinë e Tiranës, Belind Këlliçi, me shifra konkrete, përllogariti koston e urbanit falas në Tiranë, në një vit kalendarik.
Në “Çim Peka Live”, Këlliçi tha se 16.79 mln euro është kostoja e këtij shërbimi, ose 6.8% e buxhetit të bashkisë së Tiranës.
“Një nga premtimet që prek jetën e 200 mijë qytetarëve në ditë. Ky shërbim për t’u mundësuar pa pagesë…numri i biletave të shitura në 2019, numri më i lartë, 28 milionë e 666 mijë bileta të shitura. Numri i aboneve për atë vit 490 mijë e 545. Për të gjitha biletat e shitura është rreth 10 mln euro, shtojmë këtu edhe abonetë që shkojnë 6.8 mln euro. Dhe në kosto totale del 16.79 mln euro. Viti më i mirë me numrin më të lartë të pasagjerëve. Dhe kjo përbën vetëm 6.8% të një buxheti që është 240 mln euro në vit i Bashkisë së Tiranës”, tha Këlliçi.
Discussion about this post