Kryenegociatori i Serbisë, Petar Petkoviç ka reaguar pas marrëveshjes së arritur ditën e sotme në Bruksel me Kosovës dhe Serbisë.
Me një postim në Twitter ai deklaroi se sot fillon epoka e përmbushjes së marrëveshjeve të arritura deri më tani në Bruksel.
“Ky është realiteti që Albin Kurti duhet ta pranojë sa më shpejt të jetë e mundur. Duke filluar nga marrëveshja që ka të bëjë me Asociacionin e komunave me shumicë, e cila do të jetë tema e takimit të parë të ardhshëm në Bruksel. Pas dy ditësh negociatash të vështira, ne arritëm një marrëveshje me të cilën jemi të kënaqur! Ne kemi mbrojtur automjetet me tabelat e qyteteve serbe në Kosovë, nuk do të ketë më heqje të targave serbe apo vendosje të targave me shenja nga Prishtina” – ka shkruar Petkoviç në Twitter.
Në një komunikatë të lëshuar nga Bashkimi Evropian, lidhur me marrëveshjen e arritur sot thuhet ndër tjerash se BE-ja mori parasysh shqetësimet e ngritura nga pala e Beogradit në lidhje me moszbatimin e Asociacionit të komunave me shumicë serbe.
