Ish-kryeministri Sali Berisha, nuk ka kursyer akuzat ndaj ambasadores Yuri Kim edhe në “Foltoren” e Devollit. Në fjalën e tij ai ka thënë se non garat e tij ka ardhur për shkak se, sipas tij, ka kundërshtuar projektin e George Soros, për ndryshimin e kufijve të Kosovës.
Ndërsa ambasadoren Yuri Kim quajti si përfaqësuese të Soros dhe që mbron interesat e tij.
“A mund të heshtja unë se ky miliarder do të merrej me shkatërrimin e drejtësisë, jo nuk mund të rrija. Ndaj kam kërkuar shpalljen “non grata” të Soros. Ndaj unë kundërshtova projektet e tij. Sot presidenti i SHBA ka sanksionuar me ligj ata që duan të prekin ndryshimin e kufijve. Shtetet e Bashkuara kanë opozitë dhe siç e dini ju, ministri i Jashtëm i Amerikës, e ka quajtur këtë vepër kryekëput të Geroge Soros. Sado që për mua është gjë e padrejtë. Çfarë përfaqëson zonja me disa qëndrime të saj, mendoni se përfaqëson SHBA-të? Përfaqëson Geroge Soros” – u shpreh Berisha.
Ai më tej vazhdoi me akuzat duke thënë se doli për të uruar në datën 29 nëntor, ndërsa një herë tjetër bën zëdhënësen e Lulzim Bashës.
“Ç’punë ka kjo me 29 nëntorin. Për herë të parë na del dhe uron 29 nëntorin. Njëherë bën zëdhënësen e Lul Bashës, duke thënë që protesta është thërritur nga PD. Kjo është SHBA? Jo. Kjo është politikë e Sorosit, i cili ka fuqi të madh në vendin e tij, por ne qëndrojmë në të drejtat tona, parimet tona dhe po mbrojmë vlerat e BE, e të SHBA-së. Përfaqësues të shteteve të BE më kanë çuar mesazhe mbështetëse” – tha Berisha.
Discussion about this post