Vetëm 15 ditë në burg do të qëndrojnë dy tifozët holandezë që u përfshinë në një sherr në rrugën e Barrikadave para finales së Conference League.
Ata goditën me sende të forta dhe karrige, një shqiptar që mori dëmtime në kokë dhe përfundoi në spital.
Sipas pronarit të lokalit, shqiptari kishte bërtitur “Roma” në mesin e tifozëve holandezë që kishin ardhur në Shqipëri për të ndjekur finalen mes italianëve dhe Feyenoord.
Pronari ka treguar për median italiane ‘La Repubblica’ se shqiptari i ka provokuar tifozëte Feyenoord duke thirrur Roma, Roma duke nxitur reagimin e ashpër të tyre. Me shqiptarin kanë qenë edhe dy miq të tjerë dhe në përpjekje për të qëlluar me karrige tifozin holandez, njëri prej miqve i ka rënë 45-vjeçarit që përfundoi në spital.
Ndërsa sipas Arben Grami, avokatit të 2 të rinjve holandezë, ka thënë se ata janë të pafajshëm pasi nuk e kanë dhënë ato goditjen vendimtare për të lënduarin.
“Janë thjesht 2 të rinj që kanë kryer veprime shumë normalë. Ata janë të shqetësuar dhe janë në pritje të aktit të ekspertimit. Janë shumë të rinj, rreth 21 vjeç. Ata thonë që nuk janë ata që kanë kryer goditjen vendimtare për të dëmtuarin. Ata thonë se nuk kanë qenë të dehur, por thjesht kishin pirë një burrë. Kanë qenë të ulur në tavolinë dhe më pas janë konfliktuar”, ka thënë Grami.
Discussion about this post