Qytetari: Benet Beci po e kthen Shkodrën nga djep të kulturës në djep të plehrave

Një shqiptar që jeton në Spanjë dhe është kthyer në Shqipëri për pushime është përballur me një situatë që të lë pa fjalë në Shkodrën e bukur.

Shkodra, që dikur njihej si djepi i kulturës, sot falë “punës së palodhur” të Benet Becit duket se po merr një tjetër titull: djepi i plehrave.

Mbeturina në çdo cep, ambiente të lëna pas dore dhe një qytet që në vend të tërheqë turistët me bukurinë e tij, të përball me pamje që të bëjnë të ulësh kokën.

Por kulmi është te shatërvani i Shkodrës, te ish-Pesë Heronjtë, i cili në vend që të ishte një prej pikave që i japin hijeshi qytetit, sot është kthyer në një pamje për të ardhur keq.

Kjo është Shkodra që u prezantohet qytetarëve dhe turistëve në sezonin e pushimeve.

Pak punë nga Benet Beci dhe Shkodra jonë e bukur po kthehet nga djepi i kulturës në një peizazh plehrash.

Ndoshta Bashkia duhet t’u shpjegojë shkodranëve dhe turistëve: a është kjo pamja që meriton qyteti i kulturës dhe traditës?