Ardit Çuni ka deklaruar se kur të dilte nga shtëpia e “Big Brother VIP” do vijonte njohjen me Beniada Nishani dhe diçka e tillë po ndodh, por nuk dihet ende nëse ata e shohin njëri-tjetrin si shok apo diçka më tepër.
Ditën e djeshme dy ish banorët e shtëpisë më të famshme kanë qenë në shoqërinë e njëri-tjetrit dhe mikeshës së modeles, duke mos nguruar që të publikojnë pamje në rrjetet e tyre sociale. Fillimisht ata kanë drekuar dhe më pas janë zhvendosur për në shtëpinë e Beniadës.
Kujtojmë se në fillim të formatit u fol shumë rreth marrëdhënies së tyre dhe u mendua se mund të lindte diçka por, ishte Beniada ajo që u tërhoq duke thënë se Arditin e ka vetëm shok.
Megjithatë, nga ana tjetër këngëtari ka folur shpesh për Beniadën në dalje të ndryshme televizive dhe madje është shprehur se po pret që ajo të dalë dhe të vijojnë njohjen e ku i dihet mund të lind edhe ndonjë gjë mes tyre. Mirëpo, Beniada ka surprizuar me deklaratat e saj për këngëtarin pas daljes. Teksa ishte e ftuar në “E diell”, ajo u pyet lidhur me deklaratat e tij.
Modelja u shpreh se midis tyre nuk ekziston asgjë dhe shtoi se nuk ka shans që ata të lidhen. Beniada tha se midis tyre ka vetëm miqësi, madje u shpreh se Arditi fle akoma me biberon.
Së fundmi, deklarata e saj u mor me sportivitet edhe nga këngëtari teksa tashmë vazhdojnë miqësinë bashkë.
Discussion about this post