Modelja Beniada Nishani ka zbuluar se së fundmi ka marrë një propozim për martesë të cilin e ka pranuar. Teksa pas përfundimit të “Big Brother Vip” Beniada po korr shumë sukses në aspektin profesional, kurioziteti mbetet i madh edhe për jetën e saj private. Modelja u pyet në një intervistë të dhënë së fundmi për jetën e saj private, ku vendosi të rrëfejë një ngjarje që i kishte ndodhur.
Beniada tregoi se një djalë e kishte ndaluar në lagje dhe i kishte propozuar për martesë. Kur u pyet nga moderatori nëse e kishte pranuar Beniada tha, “Po”, duke qeshur.
“Dje një djalë më ka ndaluar te lagja ime më ka bërë një propozim martese me unazë. Unë mendoj se e kishte për të fejuarën e vet dhe ka thënë po ia bëj edhe Beniadës. Patjetër unë thashë Po. Tani pas moshës 29 nuk do mendosh shumë, çfarë të bjerë të bjerë”.
Modelja tregoi gjithashtu se është tradicionale, duke zbuluar edhe karakteristikat që shikon tek një djalë. Sa i përket eksperiencës në BBV, ajo tha se lidhja me dikë thjesht nuk ndodhi ndërsa për personazhet që krijojnë romanca në formate të tilla ajo tha se e bëjnë për më shumë famë.
“Unë besoj në dashuri dhe mendoj se jam tradicionale. Te një djalë shikoj shumë gjëra, nuk shikoj bukurinë, paraqitja sigurisht është e rëndësishme sepse është kontakti i parë. Por unë nuk thashë në Big Brother që s’do lidhem. Por ja që nuk ndodhi. Sigurisht që ka edhe personazhe që lidhen për të bërë dhe më shumë famë por mendoj se publiku i kupton këtë gjëra”.
Discussion about this post