Bënin namin duke vjedhur biçikleta të shtrenjta në Tiranë, këta janë 4 të rinjtë e arrestuar (EMRA)

Mateo Dedaj, Kevin Matraku, Eno Cenollari, Dejvid Luca janë katër të rinjtë që u arrestuan sot nga policia në Tiranë.

Grupi i adoleshentëve kanë vjedhur biçikleta, në kohë dhe në vende të ndryshme.

Nga tërësia e veprimeve hetimore dyshohet se të arrestuarit, më datë 26.05.2022, në Rrugën e Dibrës, kanë vjedhur një biçikletë me vlerë 5000 euro.

Gjatë kontrolleve të banesave të këtyre shtetasve, shërbimet e Policisë gjetën dhe sekuestruan, në cilësinë e provës materiale, 4 biçikleta të dyshuara të vjedhura.

Arrestimi i të rinjve është kryer në kuadër të operacionit të koduar “Pedals”.