Video që postoi në Instagram teksa bënte manovra me makinë çoi në duart e policisë 24- vjeçarin në Kurbin. Sipas burimeve, i riu bëri drift me makinë në sensin e kundërt të lëvizjes, në aksin rrugor Milot-Mamurras dhe më pas postoi video në rrjetet sociale. Policia Rrugore e Lezhës identifikon dhe procedon penalisht drejtuesin e mjetit.
Pasi kanë bërë konfirmimin, shërbimet e Policisë i kanë bllokuar automjetin, i kanë vendosur masën administrative 60.000 lekë të rinj dhe i kanë pezulluar lejen e drejtimit, për 2 vjet. I riu u gjobit për shkak se akuzohet për veprat penale prishje e rendit dhe qetësinë publike dhe se penguar lëvizjen e lirë të automjeteve të tjera. Pasi kanë marrë masat administrative ndaj tij, materialet e grumbulluara i janë dërguar Prokurorisë së Kurbinit për veprime të mëtejshme.
Discussion about this post