Një shofer 44-vjeçar ra në prangat e policisë në Elbasan, pasi shkeli rregullat e qarkullimit, e më pas tentoi të korruptonte efektivët rrugor.
Policia bën me dije se 44-vjeçari, teksa drejtonte mjetin tip ‘Benz’ në aksin rrugor Elbasan-Peqin, po kryente parakalime të rrezikshme në rrugë, dhe për të shmangur gjobë, i ofroi punonjësit të policisë një kartëmonedhë të prerjes 2.000 lekë.
Njoftimi i policisë:
Specialistët për Hetimin e Krimit Ekonomik dhe Financiar në DVP Elbasan arrestuan në flagrancë shtetasin I. P., 44 vjeç, banues në fshatin Kostenjë, Librazhd.
Ky shtetas, duke drejtuar mjetin tip “Benz”, në aksin rrugor Elbasan-Peqin, është konstatuar nga agjenti verifikues duke kryer parakalime të gabuara në rrugë dhe me qëllim shmangien e masës administrative i ka ofruar punonjësit të Policisë Rrugore, një kartëmonedhë të prerjes 2.000 lekë, e cila u sekuestrua në cilësinë e provës materiale.
Specialistët e Qarkullimit Rrugor në DVP Elbasan arrestuan në flagrancë shtetasin: Q., 24 vjeç, banues në Elbasan, pasi u kap nga shërbimet e Policisë Rrugore duke drejtuar motoçikletën pa leje drejtimi.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
