Bënte namin me grabitje në Gjermani dhe të ardhurat i sillte në Shqipëri, në pranga i riu

Një 30-vjeçar është arrestuar nga policia në Durrës, pasi ndaj tij rëndojnë akuzat e plot 23 vjedhjeve të kryera në Gjermani.
Andera Lezi në bashkëpunim me shtetasin G.O, për një periudhë 3-vjeçare kanë kryer 23 vjedhje në shtetin gjerman. Mësohet se të ardhurat që përfitonte nga vjedhjet, shtetasi Andera Lezi i dërgonte në Shqipëri. Nga ana tjetër, bashkëpunëtori shtetasi G.O është dënuar nga autoritetet gjermane, me 4 vjet burgim.
“Vihet në prangat 30-vjeçari i shpallur në kërkim për 23-vjedhje. 30-vjeçari i ka kryer vjedhjet në Gjermani dhe pas dokumentimit të ketyre vjedhjeve nga autoritetet gjermane, Gjykata e Shkallës së Parë Durrës ka caktuar masën e sigurisë “Arrest në burg” për këtë shtetas.
Specialistët për Hetimin e Krimeve në Komisariatin e Policisë Durrës bënë ndalimin e shtetasit në kërkim A. L., 30 vjeç, banues në Durrës, pasi në bashkëpunim me shtetasin G. O., për një periudhe 3-vjeçare, kanë kryer 23 vjedhje në shtetin gjerman. Të ardhurat që përfitonte nga vjedhjet, shtetasi A. L. i dërgonte në Shqipëri.”-njofton policia.