Benzema i kërkoi ndjesë ish-shokëve të skuadrës për mënyrën sesi u largua

Real Madridi, pak ditë më parë njoftoi largimin e Karim Benzemas, lajm që tronditi botën e futbollit. Në fakt, vetë “lamtumirë” e francezit kapi në befasi një pjesë të mirë të zhveshtores së bardhë. Për këtë, Karim nuk ka ngurruar t’i kërkojë falje asnjërit prej tyre.

Vazhdimësia e Karim Benzemas për sezonin e ardhshëm u mor si e mirëqenë nga Valdebebas, kontrata e tij u rinovua automatikisht deri në vitin 2024 pas fitimit të Topit të Artë.

Siguria e Madridit ka qenë e tillë që kanë regjistruar videon promovuese të fanellave të reja me protagonist Karimin. Por, një ofertë miliona dollarëshe nga Arabia, në ditët para përfundimit të sezonit, ndryshoi gjithçka.

Kështu, Karim vendosi të pranojë propozimin e Al-Ittihad. Në këtë mënyrë, sulmuesi francez i dha fund karrierës së tij me Real Madridin. Benzema erdhi si një djalosh dhe u largua si një legjendë e klubit më të mirë në botë.

Sigurisht që largimi i tij ishte disi befasues. Karim u largua pa bërë zhurmë, pothuajse ‘në fshehtësi’, shpejt dhe pa bërë shumë bujë. Për më tepër, ai nuk kishte përgatitur as një fjalim lavdërues për grupin.

Orët e tij të fundit në Madrid ishin shumë të ngarkuara, me emocione, presione… dhe ai nuk ishte aq i dashur me disa bashkëlojtarë që meritonin më shumë prej tij. Për këtë arsye, në orët e fundit, dhe më i qetë tashmë, Benzema nuk ka ngurruar të kontaktojë deri në tre lojtarë të skuadrës: Carvajal, Lucas dhe Modric për t’u kërkuar falje për nxitimin e lamtumirës së tij, që nuk u tha asgjë më parë dhe se nuk e kishte pasur atë gjest lamtumire në grup, diçka që nuk shkon me karakterin e tij, më i ftohtë dhe më i ndrojtur.

Largimi i Karim Benzema ka qenë një goditje shumë e rëndë për dhomën e zhveshjes së Real Madridit. Francezi, përveçse kapiten i skuadrës, është një person shumë i dashur për të gjithë.

Për këtë arsye, Karimi, i cili shpejt e pranoi gabimin e tij, donte ta bënte këtë gjest të këndshëm me tre peshat e rënda. Pasi largimi i tij është asimiluar, si Real Madridi, ish-shokët e tij të skuadrës dhe vetë Real Madridi, i urojnë atij fat të mbarë.