Karim Benzema po përjeton një formë të jashtëzakonshme duke shënuar gola për Real Madridin, në sezonin e tij më të mirë në karrierën futbolistike.
Edhe pse ekipit i tij humbi 4-3, sulmuesi francez ka realizuar dy gola në Etidah Stadium duke lënë çdo gjë të hapur në ndeshjen e kthimit në Bernabeu.
Me këtë rast, Benzema ka regjistruar një tjetër rekord sepse ai u bë lojtari i parë që i shënon së paku 40 gola në një sezon të vetëm për Real Madridin që kur Cristiano Ronaldo u largua nga klubi në vitin 2018.
Herën e fundit, ylli luzitan i kishte shënuar 44 gola në sezonin 2017/18. Benzema po shkon me hapa të sigurt drejt trofeut të Topit të Artë, të cilin pritet ta fitojë për herë të parë në karrierë e tij.
Ai po tregohet i pandalshëm në urinë e tij për të shënuar gola, teksa shpërtheu në fazën eliminuese të Championsit duke i realizuar 9 gola.
I drejtuar nga “Karim the dream”, Real Madrid do ta fitojë edhe titullin e kampionit në La Liga, por do të tentojë triumfin edhe në Ligën e Kampionëve.
Discussion about this post