Në fundjavë do të zhvillohet “El Clasico” ndërmjet Barcelonës dhe Real Madrid. Një përballje që premton spektakël dhe shumë emocione. Karim Benzema, sulmuesi i Real Madrid ka komentuar vigjiljen e kësaj përballje duke theksuar se mbetet një ndeshje e madhe edhe pse mungojnë Mesi dhe Ronaldo.
“Për mua, gjithçka mbetet e njëjtë. Është akoma ndeshja më e mirë që ekziston në futboll. Lojtarët e pranishëm, të cilët u larguan ose që do të vijnë, nuk kanë rëndësi. Është histori. Para Cristianos dhe Messit, ishte Zinedine Zidane, ishte Ronaldinho, ishte Ronaldo “Fenomeni”, ishte Samuel Eto’o. Gjithçka ndryshon, por Real Madrid-Barcelona do të jetë gjithmonë Real Madrid-Barcelona, pa marrë parasysh lojtarët që marrin pjesë në të”, theksoi Benzema.
