Sulmuesi francez Karim Benzema ishte i pafat këtë Kampionat Botëror. Ai u dëmtua para nisjes së kompeticionit të futbollit dhe nuk arriti të marrë pjesë në ndeshjet me kombëtaren. Megjithatë emri i tij figuron ende në listën prej 26 futbollistësh të “gjelave”.
Pikërisht për këtë arsye, sulmuesi ka prerë biletën për në Katar, për të ndjekur finalen me shokët e tij të përfaqësueses, pasditen e të dielës, aty ku të besuarit e Deschamps do të kërkojnë mbrojtjen e trofeut.
Nuk dihet ende nëse Benzema është rikuperuar plotësisht nga dëmtimi, megjithatë sulmuesi shpreson se do të mund të marrë një medalje si kampion Bote edhe pa luajtur asnjë minutë, vetëm për faktin që ka qenë pjesë e listës që përfaqësojnë Francën.
Discussion about this post