Sulmuesi i Real Madrid, Karim Benzema ka theksuar sërish se ai dëshiron të luaje me bashkëkombasin e tij Mbappe tek klubi spanjoll. Futbollisti i PSG është ëndrra në sirtar e presidentit Florentino Perez por edhe e tifozëve madrilen. Gjatë një interviste të fundit, Benzema ka pranuar hapur dëshirën për të qenë shok skuadre me Mbappen tek Reali.
“Më pëlqen të jem me të në ekipin kombëtar, pse jo në të ardhmen? Ai është një lojtar i madh, edhe pse për momentin ne duhet të respektojmë ekipin e tij. E kam thënë më parë dhe mund ta them përsëri. Sigurisht, një ditë do të luajmë bashkë”, tha Benzema.
