Një tjetër aksident i rëndë është shënuar mbrëmjen e së shtunës në Vlorë. Burime bëjnë me dije se një automjet tip “Benz” me drejtues F.Xh., është përplasur në një pikë karburanti në autostradë.
Për pasojë, ky i fundit dhe pasagjeri me iniciale G.B., janë lënduar dhe janë dërguar në spital për ndihmë të specializuar. Siç shihet edhe në foton e siguruara nga gijotina.com, automjeti tip “Benz” është thuajse i shkatërruar nga përplasja e cila duket se ka qenë e fuqishme.
Rrethanat e ngjarjes nuk dihen ende ndërsa në vendngjarje ndodhet edhe zjarrfikësja.
Paraprakisht dyshohet se shkak është bërë shpejtësia përtej normave të lejuara dhe shkelja e sinjalistikave rrugore.
Discussion about this post