Për gati shtatë orë kanë qëndruar në SPAK Ilir Beqaj bashkë me mbrojtësin e tij ligjor për tu njohur me aktet e prokurorisë në ngarkim të tij, në procedimin penal për çështjen e “sterilizimit”.
Pas daljes nga SPAK, Beqaj tha se tarifat për marrjen e akteve hetimore janë të shtrenjta dhe për këtë bashkë me avokatin qëndruan në SPAK për tu njohur me to.
“Unë me avokatin arritëm të shohim 15 fashikuj. Dosja është voluminoze, por ligji lejon vetëm 10 ditë. Në vazhdim të të drejtave që kemi, kemi paraqitur memot, kemi bërë kërkesa për veprime shtesë hetimore dhe gjithashtu kemi bërë kërkesë që unë të jap deklarimet e mia dhe të pyetem sërish nga hetuesit.
Legjislacioni i brendshëm i SPAK që rregullon kostot e shpenzimeve. Në këtë fazë, unë kam pajtuar një avokat dhe deri në fund të gjyqit i përballon studioja avokatisë dhe në fund i bën faturat për mua. Tarifat janë jo të vogla dhe për të marrë një USB secili prej nesh duhet të paguajë 10 milionë lekë. Këto janë tarifat në fuqi që jemi detyruar të ndjekur procesin që ka filluar prej disa javësh”, tha Beqaj.
Discussion about this post