Ilir Beqaj, ish-ministri i shëndetësisë, i cili është nën hetim lidhur me koncensionin e sterilizimit, është paraqitur sot në SPAK, referuar masës së vendosur nga GJKKO, që e detyron ish-zyrtarin e Qeverisë Rama, që çdo të premte të paraqitet para OPGJ-së.
Ndaj Beqajt ka nisur edhe një hetim pasuror, ndërsa në ditët e fundit të 2023-it, me urdhër të SPAK u zhvilluan kontrolle në disa depo farmaceutike dhe farmaci.
Gjithashtu disa nga vartësit e Ilir Beqajt, gjatë kohës që drejtonte SASPAC janë vendosur gjithashtu nën hetim.
Ndaj ish-ministrit të Shëndetësisë po kryhet një hetim i thelluar pasuror, ndërsa më parë është raportuar se banesa e tij është kontrolluar me vendim të GJKKO-së, ku sipas raportimeve i janë sekuestruar pajisje telefonike dhe kompjuterike. Gjithashtu edhe disa prej bashkëpunëtorëve të tij më të afërt i janë sekuestruar pajisje kompjuterike dhe telefonike.
Discussion about this post