Ish-ministri i Shëndetësisë Ilir Beqaj është shprehur se edhe kur ka qenë ministër, edhe tani, nuk ka pasur dhe nuk ka asnjë interes ekonomik apo financiar nga kompanitë farmaceutike.
Beqaj i bëri komentet pasi doli nga ambientet e SPAK, ku ishte thirrur në kuadër të hetimit për koncensionin e “Sterilizimit”. Beqaj tha se ditën e djeshme është kontrolluar banesa e tij me vendim gjykate, ku sipas tij, gjetën vetëm sendet e tij personale.
“Në kohën që kam qenë mi nistër, nuk kam patur dhe nuk kam asnjë interes ekonomik apo financiar, me kompanitë farmaceutike apo pronarët e tyre. Edhe ditën e djeshme u bë një kontroll në banesën time, nuk ishte nevoja të thërrisja avokatin, pasi sendet e mia personale u gjetën aty.
Ditën e premte unë paraqitem në SPAK për çështjen e Sterilizimit. Ende nuk e kuptoj se kush është faji im, sepse sterilizimi është një nga gjërat më të mira që është bërë në shëndetësi.
Por padyshim në sistemin e drejtësisë edhe unë jam i interesuar të pres vendimin e gjykatës. Ata që bënë kontrollin më treguan një vendim gjykate, që kishte të bënte me një person tjetër nën hetim”, tha Beqaj.
Discussion about this post