Berat – Aksidentoi për vdekje 65-vjeçarin, arrestohet shoferi

Një 69-vjeçari i cili aksidentoi për vdekje me automjet ditën e djeshme një 65-vjeçar në Berat, është arrestuar nga policia.

Automjeti tip “Nissan” që ai drejtonte, rreth orës 19:40, në vendin e quajtur “Ura e Salillarit”, ka përplasur këmbësorin, shtetasin S. H., 65 vjeç, banues në Berat, i cili ditën e sotme humbi jetën në Spitalin e Tiranës.

Pas aksidentit shoferi u largua nga vendngjarja, ndërsa ditën e sotme u mundësua kapja e tij.

“Specialistët e Sektorit të Policisë Rrugore të DVP Berat, si rezultat veprimeve intensive dhe të shpejta hetimore, të kryera për zbardhjen e rrethanave të një aksidenti me pasojë vdekjen, të ndodhur më datë 21.03.2024, kanë identifikuar, kapur dhe arrestuar autorin e dyshuar, shtetasin B. K., 69 vjeç, banues në Berat.  Automjeti tip “Nissan” që drejtonte ky shtetas, ditën e djeshme, rreth orës 19:40, në vendin e quajtur “Ura e Salillarit”, ka përplasur këmbësorin, shtetasin S. H., 65 vjeç, banues në Berat, i cili ditën e sotme humbi jetën në Spitalin e Tiranës. Menjëherë pas aksidentit, drejtuesi i automjetit është larguar nga vendi i aksidentit dhe ka fshehur automjetin në qytetin e Dimalit.  Policia gjatë kontrolleve, ka gjetur dhe ka bllokuar automjetin e tij tip “Nissan””, njoftoi policia.