Mbrojtësi i Kombëtares dhe Atalantës, Berat Gjimshiti duket se ka lënë pas dëmtimin muskulor të pësuar në grumbullimin e fundit me kuqezinjtë. Klubi bergamask luan kundër Fiorentinës të diel në 15:00, teksa Gjimshiti është ritkhyer në stërvitje.
Gjatë stërvitjes së djeshme, Sead Kolasinac dhe Berat Gjimshiti u rikthyen pjesërisht në punë me grupin, duke rritur shpresat për një rikthim të shpejtë në fushë.
Të dy mbrojtësit mund të grumbullohen për ndeshjen e nesërme, por mbetet e vështirë që ata të nisin atë si titullarë. Megjithatë, ka të ngjarë që ata të mund të jenë në kapacitet të plotë për ndeshjen e Champions League kundër Arsenalit.
“Kolasinac dhe Gjimshiti vijnë në formë jo më optimale për këtë ndeshje, Por të gjithë ata që janë grumbulluar, janë të gatshëm për t’u aktivizuar”, tha Gasperini sot para gazetarëve, duke konfirmuar se mund të ketë minuta në fushë edhe për kapitenin kuqezi i cili është kthyer në një nga pikat kyç të skuadrës së tij.
gijotina.com/
Discussion about this post