Një tjetër rast i shpërndarjes së drogave të forta në doza është goditur këtë herë në Berat.
Në prangat e Policisë ka rënë 59- vjeçari A.Z, 59 vjeç, banues në lagjen “Çlirim”, Berat, i cili mësohet se kishte thyer masën e sigurisë “Arrest shtëpie” si dhe shpërndante lëndë narkotike kokainë.
Specialistët për Hetimin e Narkotikëve dhe Trafiqeve të Paligjshme, në bashkëpunim me Forcën Operacionale në DVP Berat, në vijim të goditjeve kundër aktivitetit kriminal në fushën e prodhimit dhe shpërndarjes së lëndëve narkotike dhe në bazë të informacioneve të siguruara në rrugë operative se një shtetas duke qenë me masë sigurie shpërndante lëndë narkotike, kanë organizuar punën, ku si rezultat u bë kapja dhe arrestimi në flagrancë i shtetasit:
Arrestimi i tij u bë pasi, duke qenë me masë sigurie “Arrest shtëpie”, u kap duke qarkulluar me mjet, ku gjatë kontrollit fizik dhe në automjet i janë gjetur dhe sekuestruar në cilësinë e provës materiale doza me lëndë narkotike kokainë.
Materialet i kaluan Prokurorisë së Rrethit Gjyqësor Berat, për veprime të mëtejshme.
