Një aksident i rëndë është regjistruar pak minuta më parë në lagjen “Çelepias” në Berat, ku një kalimtar është aksidentuar nga një motomjet.
Burimet bëjnë me dije se ngjarja e rëndë ka ndodhur në vendin quajtur rreth-rrotullimi i Ypsilonit, ku një motomjet me 4 rrota që ka qenë duke qarkulluar me shpejtësi, ka humbur kontrollin dhe ka hipur mbi trotuarin në anë të rrugës duke goditur dhe marrë zvarrë një kalimtar të rastit.
Si pasojë e aksidentit, është plagosur kalimtari Fejzi Skurrani dhe drejtuesi i motomjetit Shkëlqim Plakalliu. Të dy të plagosurit janë transportuar fillimisht drejt Spitalit Rajonal Berat por për shkak të plagëve të shumta dhe gjendjes së rëndë, janë transportuar me ambulanca drejt Spitalit të Traumës në Tiranë.
Në vendngjarje kanë shkuar forca të shumta policie, që janë duke kryer edhe matjet për të zbuluar shkaqet dhe dinamikën e aksidentit, që si shkak paraprak dyshohet të jetë shkaktuar si pasojë e shpejtësisë me të cilën po qarkullonte motomjeti.
Discussion about this post