Plantacionet me ullinj në lagjen “Kala” të qytetit të Beratit janë përfshirë në flakët e një zjarri masive pasditen e sotme.Shkak për zjarrin mësohet se janë bërë disa shkurre dhe barëra të hedhura nga vetë banorët, pasi kanë bëre pastrimin e pemëve.Fillimisht banorët i kanë vënë zjarrin këtyre mbetjeve nga pastrimi i pemëve, por era e fortë ka bërë që flaka të dali jashtë kontrollit dhe ka përfshirë sipërfaqen e ullinjëve.
Kanë qenë vetë banorët ata që kanë lajmëruar Repartin Zjarrfikës të qytetit por terreni nuk ka favorizuar këta të fundit, pasi nuk kanë mundur të fusin automjetet në zonë.
Përballë kësaj situate, zjarrfikësit me pompa shpine dhe me mjete rrethanore kanë mundur ta vënë zjarrin nën kontroll.
Burime bëjnë me dije se, zjarri ishte i qëllimtë dhe kjo faktohet nga prezenca e shisheve të mbushura me benzinë që u gjetën në terren.
Raportohet se nuk ka pasur dëmtim të banesave edhe pse ato janë shumë pranë plantacioneve me ullinj. Burimet zyrtare të policisë konfirmojnë se po punohet për gjetjen dhe vënien përpara përgjegjësisë ligjore të autorëve të kësaj zjarrëvënie.
Discussion about this post