Tender, asfalt, fonde, degradim, tender sërish. Kjo është rruga ku zhduken paratë e mirëmbajtjes së akseve rrugore. Prej shumë vitesh nuk është vënë dorë tek nyja Shkozet-mbikalimi Plepa, që vazhdon të jetë një nga rrugët me gjendjen më të degraduar në vend.
Në gusht të këtij drejtori i ARRSH, Evis Berberi vendosi të nënshkruajë një kontratë për riparimin e kësaj rruge. Por siç duket në dokumentin më poshtë, ai e finalizoi prokurimin në shkelje të ligjit.
Bëhet fjalë për tenderin me objekt “Riveshje dhe sistemim asfaltim nyja Shkozet mbikalimi Plepa”, për të cilin do të shpenzohen 1.2 miliardë lekë.
Sigurisht që për këto projekte me vlera të majme janë vënë në lëvizje të gjithë “ujqërit e tenderëve”. Në kontratë tregohet se 17 firma kanë paraqitur ofertat e tyre. Por, duke i qethur të gjitha nga lista, Berberi ia fali tenderin pa garë firmës A.L-ASFALT, në pronësi të biznesmenëve të njohur për abuzime me fondet, Astrit Varaku dhe Luan Mema. Pavarësisht se një tjetër kompani kishte ofertë më ekonomike, drejtori i ARRSH nuk e përfilli këtë kriter.
Asfalti do të vonojë të hidhet deri sa të ndahet paraja publike mes “ujqërve të tenderëve”. Një prej operatorëve ekonomikë ka ankimuar procedurën “Supervizion punimesh Riveshje dhe sistemim asfaltim nyja Shkozet mbikalimi Plepa”.
Por, pavarësisht ankesave nga operatorëve dhe të dhënave abuzuese që janë nxjerrë në pah nga vlerësuesi i Open Data Albania, Berberi ka vendosur që këtë tender t’i dhurojë firmës A.L-ASFALT.
Kështu, më datë 12 shtator 2023, është publikuar kontrata, ku shihet fituesi.
Janë 12 miliardë lekë që ikën nga taksat e qytetarëve dhe bashkëpunimi do të vazhdojë me mikun që Berberi kishte përzgjedhur këtë herë.
Sa i përket rrugës, është e ditur që do të ndodh si me çdo rrugë tjetër, do t’i mbulohen me një shtresë asfalti gropat e krijuara.
Ndërkohë vlen të theksojmë se sipas raportit të KLSH, ër Autoritetin Rrugor Shqiptar janë akorduar fonde buxhetore shtesë në vlerën prej 1,400,000,000 lekë.
Nëpërmjet të cilit është kryer likuidimi i të gjithë detyrimeve të prapambetura, për kontratat e mirëmbajtjes.
Në fund të vitit 2021 detyrimet arrijnë vlerën prej 133, 711, 658 lekë, për shkak të detyrimeve të krijuara rishtazi, dhe përbëhen vetëm nga vendimet gjyqësore. Për vitin 2022 Shpenzimet operative janë realizuar gjithsej në vlerën prej 3,209,203,000 lekë ose 99.7 % e parashikimit. Në përbërjen e këtyre shpenzimeve 93.46 % ose 2,999,456,360 lekë e zënë kontratat e mirëmbajtjes dhe 7.54 % ose 209,746,640 lekë e zënë shpenzimet administrative.
Shpenzimet për investime kapitale janë realizuar gjithsej 14,399,404,000 lekë, nga ku 76 % ose 10,942,684,363 lekë janë shpenzime kapitale me financim të brendshëm dhe 24 % ose 3,456,720,000 lekë janë shpenzime kapitale me financim të huaj. Ja me këto arnime i vjedh fondet Berberi!
Lexo edhe: Nipi i Sadri Abazit ankohet për tunelin e Kërrabës, Berberi “qeth” 4 mln Euro
Discussion about this post