Vllaznia mundi Partizanin dhe ka shanse për tu shpallur kampion ndeshjen e fundit të kampionatit. Trajneri i ekipit Shkodran, Tomas Bërdariç theksoi se beson tek mrekullia ndeshjen e fundit.
“Dua të falënderoj ekipin, sepse ajo që arritëm sot, duhet një javë ta kuptojmë se çfarë kemi bërë këtë sezon. I kishim marrë masat për këtë ndeshje. Dua të falënderoj ekipin dhe tifozët që na kanë ndihmuar këtë sezon. Kampionati nuk ka përfunduar. Ne besojmë dhe do të punojmë fort në ditët e ardhshme. Sot do të festojmë për fitoren e arritur. Kemi bërë një sezon fantastik. Kemi arritur objektivin minimal që është kualifikimi në Europë. Të shpresojmë në një mrekulli dhe do të ishte çmenduri më pas.”
