Policia e Durrësit ka vënë në pranga 6 shtetas, 2 nga të cilët rezultonin të shpallur në kërkim. Një 33-vjeçar me iniciale F.K, është arrestuar në flagrancë pasi u kap duke vjedhur disa pajisje në një dyqan. Në pranga është vënë dhe një 37-vjeçar me iniciale M. A., pasi gjatë kontrollit fizik nga policia i janë gjetur dhe sekuestruar një sasi lënde e dyshuar si kokainë.
29-vjeçari me iniciale M.P, është arrestuar pasi ishte i shpallur në kërkim për veprën penale “Drejtimi i automjetit në mënyrë të parregullt” dhe është dënuar me 15 ditë burg nga Gjykata e Shkallës së Parë Durrës. Ndërkohë janë vënë në pranga dy shtetas për drejtim të mjetit në gjendje të dehur, B. Sh., 29 vjeç dhe A. K., 37 vjeç.
Në pranga gjithashtu ka rënë një 38-vjeçar i identifikuar me inicialet V.A, i cili ka bërë kallëzim të rremë në polici për vjedhjen automjetit të tij. Materialet i kaluan Prokurorisë, për veprime të mëtejshme.
Discussion about this post