Talenti i Kombëtares shqiptare, Armando Broja u la në tribunë gjatë ndeshjes së Shqipërisë me Anglinë në ‘Wembley’ e cila u mbyll me disfatën e thellë të kuqezinjve me rezultatin 5-0.
Kjo gjë raportohet se solli acarimin e sulmuesit, i cili duket se nuk dëshiron të bashkohet më me Kombëtaren derisa në krye të stolit të jetë trajneri Edoardo Reja.
Ndërkohë moderatori i ‘Ora Sport’, Altin Sulçe, i cili ndodhej në Angli për ndeshjen e kuqezinjve ka zbuluar se çfarë ka ndodhur me lojtarin, që solli në vendimin e italianit për ta lënë në tribunë.
“Broja ka qenë i grumbulluar për të ardhur në Durrës, që në ditën e parë, nuk erdhi. Do të trajtohej nga mjekët e Southampton. Ka ardhur në ditën e enjte për stërvitjen e fundit para ndeshjes me Anglinë. Bëri vetëm 10 minuta gjuajtje në portë dhe nuk bëri stërvitjen e plotë me grupin. Për këtë arsye, Reja e la jashtë”,-zbuloi Sulçe./K.T/Gijotina.com
Discussion about this post