Sipas të përditshmes “L’Equipe”, mbrojtësi i majtë francez Benjamin Mendy do të përpiqet të rikuperojë paratë e parashikuara në kontratën e tij me Manchester Cityn, midis gushtit 2021 dhe qershorit 2023, pasi ishte pezulluar nga klubi pas akuzave për krime të ndryshme seksuale.
Në vitin 2020, pasi një grua pretendoi se Mendy e kishte përdhunuar, lojtari u arrestua dhe më vonë u lirua. Megjithatë, në janar 2021, pas akuzave të reja për sulm seksual të ngritura nga një grua tjetër, ai u arrestua sërish dhe ndërkohë u gjykua.
Mendy u largua pa pagesë nga ‘Qytetarët’ për në Lorient të Francës këtë verë, pas një gjyqi dy-vjeçar në të cilin ai u shpall i pafajshëm. Mbrojtësi francez tani kërkon edhe paratë për pezullimin e tij nga Man.City.
Discussion about this post