UEFA ka penalizuar lojtarin e skuadrës greke AEK, Ognjen Vranjes për shkak të një tatuazhi që ka në dorë.
Futbollisti me prejardhje serbo-boshnjake, kishte bërë dy vite më parë tattoo fytyrën e kriminelit serb, Momcilo Cujic dhe për këtë ai ishte përjashtuar edhe nga Kombëtarja e Bosnjës.
Tatuazhi që ka bërë ai në krah dhe që dallohet shumë qartë është një kriminel i Luftës së Dytë Botërore. UEFA i ka vendosur kusht lojtarit që ta heqë atë tattoo ose përndryshe nuk do të lejohet që të luajë.
Rikujtojmë se krimineli Cujic me grupet e tij çetnike kishte kryer maskara të mëdha në Kroaci dhe Bosnje e Hercegovinë në fund të vitit 1942 dhe në fillim të vitit 1943./K.T/Gijotina.com
