Dënohet me 14 vite burg një 78-vjeçar shqiptar. Vendimi është marrë nga gjykata e Selanikut, pasi i moshuari akuzohet për vepra të turpshme ndaj mbesave të tij. Çështja ndaj shqiptarit filloi në vitin 2020, kur dy gra që kishin dalë shëtitje e panë atë të kryente veprime të turpshme ndaj një të miture, e cila rezultoi të ishte mbesa e tij 9-vjeçare.
Si motra e saj binjake dhe dy motrat e saj më të mëdha (në atë kohë 12 dhe 16 vjeç) pësuan sjellje të ngjashme.
I pandehuri, baba i 9 fëmijëve (nga të cilët kishte 21 nipër), u arrestua në atë kohë dhe pas rrëfimit të tij në hetuesi, shkoi në burg. Megjithatë, ai u lirua me kusht. Aktakuza e ngarkonte atë për vepra penale dhe kundërvajtje.
78-vjeçari nuk mori pjesë në gjyq dhe u përfaqësua nga një avokat. Mbrojtja e tij mohoi akuzat, duke e përshkruar 78-vjeçarin si një person veçanërisht demonstrues.
“Ai mund t’i ketë vënë në siklet vajzat, por nuk ishin veprime dashakeqe apo me sfond romantik”, tha avokati i tij, duke treguar se i moshuari erdhi për të vizituar fëmijët e tij në Selanik, por për shkak të masave kufizuese të koronavirusit, ai nuk mundi të kthehej në vendlindjen e tij, ku jeton. Që në momentin e parë, të afërmit e tij dolën në krah të tij, duke përmendur një keqkuptim.
Discussion about this post