Kreu i Partisë Demokratike Sali Berisha komentoi deklaratat e kryeministrit Edi Rama një ditë më parë në mbledhjen e Grupit Parlamentar të PS, ku u prezantua nisma për ndryshimet ligjore, nëpërmjet së cilës tentohet të pengohet pezullimi i Ballukut dhe gjithë ministrave nga organet e drejtësisë.
Berisha shprehet se Belinda Balluku mund të bëhet e penduar e drejtësisë dhe të marrë me vetë edhe Edi Ramën.
Kreu i PD, aludon se tre dorëheqjet e Ballukut i ka sajuar vetë Edi Rama, pasi sipas Berishës në takimin në kryeministri me Ulsi Manjën dhe Engjëll Agacin, ajo ka refuzuar dorëheqjen.
“Dje doli dhe u betua për kokën e Lubisë, njëra ishte e gatshme të ngashërehej nga mallëngjimi, tjetri të betohej për kokën e saj. Cinizëm ekstrem. Ai thotë se Lubia dha tre herë dorëheqjen. Këtu zbuloi veten, nuk e lejoi se do ta marrë me vete. U faktua ajo që kemi thënë. E dimë që Lubia bëhet pentito dhe hajde zeri besë të penduarës Lubi. Ndaj ky tregon që ka dhënë dorëheqjen dhe ku nuk ka pranuar. Por në debatin 5 orësh në prani të Ulsiut dhe Agacit, ajo ka kundërshtuar preras me dhënien e dorëheqjes. Ai ka firmosur vetë ato dorëheqje vetëm për alibi dhe mashtrim.
Ai dje, sulmoi Gjermaninë dhe Danimarkën. Nuk jemi ne të krahasueshëm, tha.
Sigurisht që Gjermania është një vend dhjetëra herë më i zhvilluar dhe Danimarka po kështu. Po as në Gjermani, as në Danimarkë dhe në asnjë vend tjetër në planet ministri nuk ka të drejtë të vjedhë. Nuk ka të drejtë të mbrohet me ligj nga vjedhjet. Kjo nuk ka lidhje as me nivelet e zhvillimet dhe me asgjë tjetër. Si t’ia bëjmë atëherë? Meqenëse nuk jemi Gjermani dhe Danimarkë, ministrat tanë të vazhdojnë të vjedhin, kryeministri të vazhdojë të vjedhë. Turp i madh”, tha Berisha.
Discussion about this post