Kreu i Partisë Demokratike, Sali Berisha ka reaguar sërish për arrestimin e Ergys Agasit, duke bërë një sërë akuzash të lidhur me rolin dhe ndikimin që Agasi ka pasur pranë qeverisë.
Në një deklaratë publike, Berisha e cilësoi Agasin si “koordinatorin e Edi Ramës për të gjitha organizatat kriminale dhe kartelet e drogës”, duke pretenduar se ai kishte një rol të rëndësishëm në kontrollin e të dhënave dhe institucioneve shtetërore.
Sipas Berishës, përmes lidhjeve me drejtues të institucioneve, Agasi kishte akses dhe ndikim mbi të dhënat e shtetasve shqiptarë dhe të huaj në Shqipëri.
Sipas ish-kryeministrit, Agasi kishte nje zyre ku hynin e dilnin zyrtare te larte dhe ser ata regjistroheshin me ze dhe figurë.
Berisha theksoi se “prokuroria i ka regjistrimet e Agasit në zyrën e tij në Bllok, por po fshijnë ministrat, deputetët dhe zyrtarët e lartë”.
“Ergys Agasi ka disponuar në zonën më qendrore të Tiranës, një zyrë, studio apo ta quajmë ç’të doni, më e veçanta në llojin e saj në Shqipëri dhe mbase në Evropë.
Zyra e Ergys Agasit bënte regjistrime në figurë dhe zë, sapo të hapje derën dhe sapo të dilje nga ajo derë. Maniak. Ishte maniak, se maniakët bëjnë akte që thua ti pse i bëjnë, i bënte ai. Mirëpo regjistrimet e tij, duhet ta dinë shqiptarët, herë-herë provojnë se ajo zyrë ishte një kuplara e vërtetë në mes të Tiranës.
Në atë zyrë janë paraqitur pa asnjë motiv zyrtar ministra, ministre, drejtorë të përgjithshëm, drejtoresha të përgjithshme, deputetë, deputete. Janë paraqitur gjykatës, prokurorë, zyrtarë të lartë të policisë, etj, etj.
Pra, zyra e Agasit në Bllok është zyra e një mafiozi ku përdoreshin të gjitha mjetet për arritjen e qëllimeve. Këto fotot, zërat, videot, të gjitha i disponon prokuroria. Ata po fshijnë ministrat, sipas disa burimeve. Ata po fshijnë deputetët, po fshijnë zyrtarët më të lartë. Por i garantoj se hetimi i tyre nuk do ndalet ndonjëherë. Nuk ndalet ndonjëherë ai hetim,” tha Berisha.
Discussion about this post