Kryetari i Partisë Demokratike Sali Berisha ka folur sërish për aferën korruptive të inceneratorëve. Në një komunikim për mediat, ai tha se Klodian Zoto ka paguar me kartën e vet të kreditit, qendrimin e ish-ministrit të Financave Arben Ahmetaj në hotelet luksoze të Europës.
Berisha: Provat e publikuara së fundmi në kuadër të luftës brenda llojit në kuadër të organizatës kriminale të djegësve flasin dhe dëshmojnë se punonjësit e kompanisë Rama Agaci Ahmetaj Veliaj të inceneratorëve të shpallur në kërkim kanë financiar vizitat turistike, netët e luksit në hotelet me 5 yje, të Arben Ahmetaj në atë kohë ministër i Ekonomisë. Sigurisht jo me para të vetat, por të sipërmarrjes qeveritare.
Klodian Zoto ka paguar me kartën e vetë të kreditit të paktën në 5 raste qëndrimin në hotele me 5 yje të Evropës të Ahmetaj në harkun kohor 2013-2017. Kjo vërteton plotësisht deklaratën e PD dhe opozitës e cila ka denoncuar me kohë në skemën e megavjedhjes së 430 mln eurove, Arben Ahmetaj dhe shefi i tij Edi Rama kanë rolet më kryesore në këtë aferë.
I pari, Edi Rama përmes firmave që ka hedhur dhe përdorimit të shefit të tij si sekretar i përgjithshëm Engjell Agaci ka qenë njeriu kryesor i procesit korruptiv.
Pra kemi të bëjmë me një grup kriminal që kanë qenë bashkëpunëtor në këtë aferë korruptive.
Rama në kundërshtim me ligjet e vendit ka firmosur dhe miratuar kontratën me negociata të mbyllura vetëm për qëllime përfitimi.
I dyti, Arben Ahmeti ka luajtur ndërmjetësin në financimin e inceneratorëve sipas një skemë të pastër piramidale.
Discussion about this post