Nga Libohova, Sali Berisha ka hedhur akuza ndaj Mirela Kumbaros, duke thënë se kur ajo ishte ministre e Kulturës ka abuzuar me tenderat. Berisha u ndal edhe tek Elira Kokona, për të cilën u shpreh se ajo u merrte para klientëve që kishin paditur shtetin në Strasburg dhe i ndante ato me Edi Ramën dhe ministren Kumbaro.
Berisha u shpreh se Kumbaro e ka dosjen plot dhe kjo dosje do ta ndjekë atë gjithë jetën. Po ashtu Berisha u shpreh se edhe kandidati rival në këtë bashki është vendosur nga Mirela Kumbaro.
“Zotëria që garon për rilindjen nuk ka marrë asnjë votë nga socialist, është promovuar nga ndrikulla Kumbaro, që po të kishte një mbiemër të dytë do të quhej Mirela Sherri, po të kishte një mbiemër të dytë do të quhej Mirela Korrupsioni. Kjo zonja Kumbaro që ta dini ju e ka dosjen plot dhe e garantoj që ajo dosje do ta ndjekë gjithë jetën e vet. Sepse ajo ka abuzuar në mënyrë të tmerrshme në Ministrinë e Kulturës. Kjo zonja “Sherri” ka mbajtur sekretare të përgjithshme për shumë kohë derisa ja çoi Edi Ramës, një zonjë tjetër të quajtur Elira Kokona, mbesën e Petrit Dumes.
Zonja Kokona në një kohë që organizonte tenderat në ministrinë e Kulturës sipas standardit të ministres bënte avokaten në Strasburg të klientëve që kishin paditur shtetin. Në asnjë shtet të botës, përveç me ndrikull Kumbarën dhe Edi Ramën nuk mund të ndodhë.
Sigurisht si avokate që u merrte klientëve që kishin paditur shtetin në Strasburg, shuma shumë të mëdha. Paratë që u merrte klientëve në gjykatat e Tiranës që kishin paditur shtetin, i ndante me ministrin dhe Ramën. Ajo sot duhet të ishte e dënuar me 6-12 vite burg, por e mbrojnë paratë që i ka dhënë zonjës Sherri dhe zotit Rama.
A e kupton përfaqësuesi i forcës tjetër që përfaqëson. A e kupton ai që përfaqëson një ministre që është nga më abuzivet. A e kupton ai se përfaqëson një kryeministër dhe një parti e cila ka vendosur mbi shqiptarët tiraninë e tmerrshme të varfërisë”, tha Berisha.
Discussion about this post