Kryetari i PD-së, Sali Berisha ka akuzuar kryeministrin Edi Rama se është ideator i një aferë korruptive dhe vjedhje masive me projektin e portit të Durrësit. Berisha shprehet se Rama ka ndërmend të ndërtojë një “mini-Dubai” në Durrës dhe për ta zhvendosur portin në Porto Romano.
Më tej, Berisha shprehet se Rama në aferë ka ndërmend të vjedhë 4.5 mld lekë së bashku me një arab.
“Vetëm në Portin e Durrësit po merr me një arab 1 milion metër katror truall. E sposton portin, pa asnjë lloj motivi vetëm vjedhjen. Është një aferë 4, 5 miliardë, se do ndërtoj “Dubai City” aty. E njëjta gjë me parkun e Butrintit, përrallor është që nuk ekziston kund tjetër në Europë. E merr nën administrim një njeri që është regjistruar me zë dhe figurë që Shqipëria është një vend artificial. Nuk e kam lexuar kurrë këtë, se para Ilirëve kanë qenë pellazgët. Të thotë se në 1913 këtu s’ka pasur shqiptarë, këtë be bën vetëm zëdhënësi i Edi Ramës. Dhe e bën këtë se kepi i Stillës është magjik, dhe Edi Rama do ta bëjë vila me njerëzit e tij. Duhej shkëputur të gjitha zonat, për të lënë qytetin e vjetër veçmas dhe këto për t’i marrë për qëllimet e veta”, tha Berisha.
Discussion about this post