Kryetari i PD Sali Berisha ka folur nga foltorja e Kuvendit përmes Facebook të tij pasi kryetarja e Parlamentit, Lindita Nikolla nuk i dha fjalën.
Berisha hodhi akuza të forta ndaj kreut të grupit parlamentar të PS, Taulant Balla teksa i kërkoi të shkonte në Prokurori për të sqaruar pozitat e tij në lidhje me akuzat për porositje vrasjen e avokatit Ravik Gurra.
Lexo edhe: Berisha paralajmëron Ramën: Nuk ka burg që të mban ty
“Ai nuk ka vend në Parlament shko jepi përgjigjen dëshmive për vrasje. Shpirti i avokatit Ravik Gura kërkon drejtësi dhe ti je i akuzuar se ke porositur vrasjen e tij. Ne jemi të zotuar të vendosur të mbrojmë të drejtat tona nuk mundet një i akuzuar për vrasje, nuk mundet një njeri që akuzohet se ka porositur vrasje në Elbasan të marrë fjalën këtu nxirre jashtë Parlamentit të shkojë në Prokurori. Si të duket ty akuza se ka porositur vrasjen e Ravik Gurrës? Ose të drejtat e opozitës do respektohen ose opozita…. Mbylle gojën se po flas unë, shko në Prokurori se je i akuzuar për vrasje. Ke porositur vrasjen e Ravik Gurrës, mos përdor imunitetin diplomatik. Hera e dytë që akuzohet për porosi vrasje”, tha Berisha.
Discussion about this post