Ish-kryeministri Sali Berisha, në fjalën e tij përballë qytetarëve të Kukësit ku po prezantonte kandidatin e tij për zgjedhjet lokale, u shpreh se kryeministri Edi Rama dhe qeveritarët e tij përfitojnë nga taksat e qytetarëve për t’i depozituar në llogari bankare të fshehta jashtë vendit.
Ai ka theksuar se ka qenë pikërisht OSBE ajo që në 2014 ka denoncuar në një raport se Rama ka 200 mln euro të vjedhura, të fshehura.
“Ky monizëm, përzë shqiptarët, përzë kuksianët, hasjanët, tropojasit, dibranët, të gjithë shqiptarët në mënyrë të pamëshirë nga trojet e tyre. Ky monizëm, këto troje të bekuara, ky truall i bekuar me pasuri përrallore, e ka shndërruar në një tokë të mallkuar për bijtë e saj. Po pse si ndodh, çfarë ndodh kështu? Sepse buxheti, të ardhurat që krijohen në këtë vend, të ardhurat që ju paguani, taksat që ju paguani, të gjitha shndërrohen, shndërrohen në depozita bankare të fshehta të qeveritarëve të Edi Ramës me kompani.
Në vitin 2014, OSBE do të ishte e para në raport që do të denonconte Edi Ramën si njeriu që ka 200 mln euro, të fshehura, të vjedhura, dhe tani, si kryeministër ka vendosur mbi ju, mbi qytetarët shqiptarë, sistemin më të pamëshirë të vjedhjes së taksave, të të ardhurave, të pasurive publike”, tha Berisha.
Discussion about this post