Berisha apel të rinjve: Jepni kontributin tuaj për të rrëzuar diktaturën e Ramës

Kreu i Partisë Demokratike, Sali Berisha në takimin me të rinjtë e FRPD, ka nënvizuar rolin dhe rëndësinë e tyre në fushatën elektorale, duke i quajtur ata faktor kyç për arritjen e fitores dhe rrëzimin e regjimit aktual.

Ai theksoi se sa më shumë që të rinjtë angazhohen dhe përfshihen në fushatë, aq më të mëdha bëhen shanset për sukses.

Pjesë nga fjala

Sa më shumë që tregoni veten tuaj te qytetarët, aq më të mëdha do të jenë shanset tona për fitore. Ju thashë, nënkryetari i Partisë Demokratike të Kavajës ishte në një zonë që ndonjëherë voton për ne, ndonjëherë jo. Dhe çfarë bëra, më tregoi ai.

Mora gjithë stafin tim, të rinj. Punova vetëm me të rinj. Të rinj në çdo cep, në çdo detyrë, kudo. Dhe jo vetëm zona ime doli fituese, por edhe zonat fqinje u ndikuan aq shumë nga fushata e të rinjve.

Sepse sa më shumë që takoni njerëzit, sa më shumë që lëvizni, ju jeni reklama më e mirë për këtë fushatë. Ju bëni një kontribut të vërtetë dhe të jashtëzakonshëm. Keni një moment në jetën tuaj për të kontribuar në rrëzimin e kësaj diktature. Ne do ta rrëzojmë atë.

Duhet të përpiqemi ta tejkalojmë censurën. Akti i mbylljes së TikTok është akti i Habitullahut të Kabulit. I ati i tij në vitin 1988 në 10-vjetor firmosi varjen në litar të një poeti disident, guximtar vetëm se shkruajti vargje për fjalën e lirë.

Ky var në litar TikTok se të rinjtë e përdorin shumë dhe e tallin shumë. Është bërë punë e madhe. Nuk i tejkalon dot kurrë me banalitet. Ishte bërë famëzi. I vetmi kryeministër në Europë që i kishin refuzuar darkën zyrtare.

Hija e MgGonigal do ta ndjekë Edi Ramën gjer ditën e fundit të jetës së tij! Nuk i ndahet, është skandal planetar. Ndaj edhe ai, siç e shihni ka një terror të brendshëm. Ka patur probleme të njohura serioze me ekuilibrat psikologjike, por tani ka zgjedhur auto izolimin si rrugën për të mos shfaqur publikisht momentet e dezekuilibrit si ajo që i ra tavolinës.

Dihet që Edi Rama ka afera shumë të mëdha korruptive, por afera e McGonigal është e gjykuar nga gjykatës amerikane dhe Rama e di që nuk është një krim që parashkruhet ai akt që ka kryer.