Kryedemokrati Sali Berisha ka deklaruar se bota e krimit i ka shtrirë kthetrat kudo.
Kryetari demokrat, Sali Berisha, hodhi sot akuza të forta ndaj Ardi Veliut, aktualisht drejtues i Agjencisë së Mbikëqyrjes Policore.
“Ndodhi ngjarja e 21 prillit, Ardi Veliu, një nga bajlozët më të zi të krimit në Shqipëri, Ballkan dhe Europë, doli menjëherë: trafikanti Greca nuk kishte asgjë në makinën e tij.
Në krye të kësaj ministrie, tani që transkriptimet e shërbimeve belge, franceze dhe holandeze, po vijnë në Shqipëri, u emërua përfaqësuesi politik më i rrezikshëm i krimit. Saimir Tahiri nuk ishte as një e treta e Ballës për krimin.
Çfarë është Ardi Veliu? Figura qendrore më e zezë e krimit në Policinë e Shtetit. Ardi Veliu ishte drejtor i Policisë së Tiranës. Ishte përzënë nga Policia e Shtetit për bashkëpunim në trafiqe dhe falsifikim dokumentesh. Bota e krimit e solli drejtor policië në Tiranë. Çfarë thotë Alesandro në biseda me mafiozin tjetër? Atij drejtorit ia mbushëm mirë koshat me derr të zi.
Po çfarë ndodhi me Ardi Veliun? Pas transkriptimeve të publikuara në median shqiptare në vitin 2017, Ardi Veliu lartësohej në drejtor të përgjithshëm të policisë.
Ardi Veliu, pas një seri krimesh të shëmtuara publike, pas mashtrimesh në mbrojtje të krimit, siç është rasti i vrasjes së Rashës, i beson Edi Rama shërbimin inteligjent të Policisë së Shtetit.
Çfarë ka bërë Ardi Veliu? Ka vendosur linjë private të komunikimit me krimin, të survejimit të opozitës, të survejimit të kundërshtarëve politikë nga Oltian Bistro me shokë. Dhe tani lan duart.
Në EncroChat janë 60 oficerë kryesorë policie, të gjithë në regjistrime në bashkëpunim të ngushtë me krimin. Hetimi i Encrochat ka gjetur se në Shqipëri, krimi dhe pushteti janë një, janë të shkrirë,” tha Berisha.
Berisha komentoi edhe skandalin me të dhënat në sistemin TIMS, që sipas tij personi që i ka vjedhur është dërguar nga Rama.
“Këta janë shndërruar në avoketër të tmerrshëm të krimit, shesin dosje dhe informacione. Ka sjellë europoli 850 mijë faqe transkripte. Ju garantoj se me shpejtësi të rrufeshme do përjetojmë tregun më të fuqishëm të transkriptove. Bota e krimit ka shtrirë kthetrat në cdo gjë.
Një javë më parë nxorën të gjithë të dhënat e TIMS. Cfarë kishte të dhëna sekrete për krimin, po kush e nxori? I dërguari direkt i Edi Ramës, Ervin Muca. Një kriminel që urdhëroi punonjësit e policisë, i hidhni të dhënat në këtë usb dhe ata refuzuan, disa prej tyre. Bravo u qoftë. Po cfarë ndodhi? Ai mori punonjës privat dhe ata i morën privat.
Edi Rama do të fshehë gjurmët e krimit.
Po në krye të SHISH kush është? Një njeri i shkarkuar nga qeveria e Kosovës sepse ka plackitur të dhënat e Kosovës. Pasi shkarkohet për këto të dhëna bëhet këshilltare e Ramës dhe tani ajo emërohet në krye të SHISH. Kjo ka kredenciale krimi.”, u shpreh Berisha.
Discussion about this post