Ish-Kryeministri Sali Berisha nga studio e emisionit “Open” tha se janë 3 telefona të kriptuar të Ardi Veliut, për të cilin tha se e kanë shkarkuar si drejtor të Agjensisë së Mbikqyrjes Policore.
Madje Berisha publikoi edhe një foto ku shiheshin 3 telefona, që sipas tij i përkisnin Ardi Veliut.
Berisha tha se nga 8 mijë telefona të kriptuar që janë përdorur në Shqipëri, pjesa më e madhe janë përdorur në Kryeministri.
“Ja ku janë 3 telefonat e kriptuar të Ardi Veliut… Kanë pasur përqendrimin më të lartë në Shqipëri në ndërtesën e Këshillit të Ministrave.
Më kanë thënë që kur përdor atë aplikacion, merr fund pjesa tjetër.
Në Kryeministri ka pasur përqendrimin më të lartë në Shqipëri, këta telefona. Nga 8 mijë telefona të kriptuar, Kryeministria ka pasur përqendrimin më të lartë të tyre”, deklaroi Berisha.
Discussion about this post