Kryetari i PD, Sali Berisha në një konferencë për mediat ka komentuar deklaratat e Ramës për arrestimin e kryebashkiakut të Tiranës, Erion Veliaj, duke theksuar se strumbullari është vetë kryeministri. Ndërkohë, Berisha shigjetoi edhe zv.kryeministren Balluku duke thënë se ka urdhëruar stafin që të komunikojnë vetëm me letra me shkrim dhe jo me celular.
“A mund të imagjinoni ju që Lubi Loti iu ka ndaluar në mënyrë të prerë të gjithë ekipit të komunikojnë ndryshe me të përveçse me letra me shkrim dore. Iu ka ndaluar celularët, i ka ndaluar mesazhet dhe tani komunikimi në kabinetin e zëvendëses së Edi Ramës, sepse ajo sheh dy zëvendësit e tij njëri pas tjetrit e thotë ika dhe unë, dhe do ikë ajo se e meriton 100 herë. Pra, tani është tipike e mafies, tani as celularët nuk i përdorin dot, as kompjuterët nuk i përdorin dot, tani janë të detyruar që çdo problem që kanë me bosen e tyre ta paraqesin vetëm me shkrim dore”, tha Berisha.
Discussion about this post