Pas vendimit të Lulzim Bashës për ta përjashtuar nga grupi parlamentar i Partisë Demokratike ka ardhur edhe reagimi i Sali Berishës.
Berisha tha se ky vendim është jashtë çdo lloj norme dhe ligji të vendit duke shtuar se Basha më parë duhet të konsideronte dorëheqjen e tij se sa të dorëzonte sovranitetin e Partisë Demokratike. Ai u shpreh se atë që bëri Basha, nuk e bëri as Ilirjan Celibashi në postin e kryetarit të KQZ.
“Vendimi është jashtë çdo lloj norme statutore dhe ligji. Një vendim të tillë, një njeri që respekton parimet më elementare nuk mund ta marrë. E kuptoj presionin por pavarësisht nga presioni, mendoj se disa herë më parë duhet të konsideronte dorëheqjen e tij sesa sovranitetin e PD. Bëri ata që nuk bëri Celibashi. Asgjesoi PD si parti sovrane.”- u shpreh Sali Berisha
