Berisha: Basha nuk ka anëtarë, është peng i Ramës. Logo e PD do shkojë në Strasburg

Kreu demokrat Sali Berisha deklaroi se Lulzim Basha nuk ka as anëtarë dhe për të mund të përgjigjet ose Edi Rama ose Taulant Balla.

Berisha tha se është i gatshëm të ulet, të bisedojë dhe negociojë me çdo deputet, por gjithçka do të bazohet te vota.

“I gjithë skenari mafioz shqiptar dhe ndërkombëtar në tërë këto muaj ishte kundër Sali Berishës dhe shkatërrimit të opozitës.

Askush nuk ka të drejtë t’I caktojë kryetarin demokratëve. Demokratët kanë të gjithë të drejtën të zgjedhin me votën e lirë kryetarin e tyre”, tha Berisha.

Ai u shpreh se çdokush që do të sfidojë kryetarin e PD-së, nuk ka asnjë pengesë për ta bërë këtë.

“Sali Berisha është pengesa kryesore për shkatërrimin e opozitës shqiptare. Lulzim Basha u akuzua për para ruse, pastaj donin ta mbanin me çdo kusht”, tha kreu demokrat.

Lidhur me zgjedhjet në atë që njihet si PD e vulës, Berisha tha se ky është skenar i Edi Ramës, por ato nuk kanë anëtarë.

“Nëse ka njerëz që pranojnë si opozitar pengun e Edi Ramës, atëherë le ta pranojnë. Edhe në 2030 apo 2040, ai do të jetë peng i Edi Ramës. Ne do të vazhdojmë betejën tonë. Nuk ka shqiptar që nuk e di që ai nuk ëhstë peng me dosjen e parave ruse. Demokratët do të merren me Edi Ramën”, tha Berisha.

AI tha se çështja e logos së PD do të shkojë në Strasburg, nëse do të vijohet të mbahet peng me mekanizmat e Edi Ramës.