Në fund të Kuvendin Berisha, ka paralajmëruar se do të përshkallëzojë përplasjen me kreun aktual të PD, Lulzim Basha, nëse ai nuk pranon vendimin për shkarkimin e tij. “Selia është një dhe vetëm një. Do të shkojmë në momentin më të parë që do të vendosim, ajo nuk është seli e pengjeve. Sot, në tetë orë pa pushim mbi 4 mijë e 934 delegatë, vendosën firmat e tyre në këtë monument madhështor të rikthimit të rivendosjes së pluralizimit politik. Në këtë monument madhështor të rithemelimit të PD si forcë vigane, opozitare, në këtë moment historik të revolucionit demokratik paqësor, i cili është në misione të mëdha, për përmbysjen e narkoshtetit, për rivendosjen e të drejtës së shqiptarëve për votën e lirë, pa patronazhistë, pa parti shtet, pa parti kukull. Mirënjohje të madhe ndaj të gjithë atyre që mbushën Foltoret si burim drite dhe erdhën sot si arkitektë e një të ardhmje krejtësisht tjetër për Shqipërinë dhe shqiptarët“, u shpreh Berisha.
Gjatë fjalës së tij Berisha i ka kërkuar edhe kryeministri Rama që të largojë forcat policore nga selia, pasi revolucioni i Kuvendin nuk ja lejon më që partia të jetë pengu i tij, sikur është mësuar deri më sot nga Basha.
“Selia është një dhe vetëm një. Do të shkojmë në momentin më të parë që do të vendosim, ajo nuk është seli e pengjeve. Nuk është e rrethuar me blinda dhe bandat e Edi Ramës. Ramës i them hiq dorë nga çdo lloj përpjekjeje për t’i garantuar mbijetesë pengut tënd sepse në mënyrë absolute ky revolucion do të kthehet tek ti. Po lerë tani, revolucionit nuk i reziston dot kush mos bëni shaka”, tha ai. Megjithatë pritet që nga komenti në moment Basha të mbledh selinë e PD ku do të shihet se sa do ta njoh këtë Kuvend të zhvilluar nga Sali Berisha, që deri më tani e ka konsideruar të paligjshëm.
Discussion about this post