Sali Berisha ka deklaruar ditën e sotme se do ta njoftojë Bashën me shkrim për vendimin që ka marrë Kuvendi i 11 dhjetorit dhe referendumi për shkarkimin e tij. Berisha vazhdon të insistojë se votimi në referendum ka forcën të shkarkojë Bashën.
“Sot komisioni i përkohshëm i drejtimit të PD-së ka vendosur të fillojë menjëherë nga puna për zbatimin e vendimeve të Kuvendit të 11 Dhjetorit të rithemelimit të PD-së. Gjerë më datë 22 mars të gjitha strukturat e kësaj partie duhet të shndërrohen në struktura të anëtarëve të PD-së të cilët do të vendosin me votën e lirë për drejtuesit e tyre, forumet e tyre. Kjo është një punë intensive. Komisioni vendosi t’i komunikojë deputetit Lulzim Basha vendimet supreme, të anëtarësisë së PD-së në aktin më historik të lirisë sikur ishte referendumi i datës 18. Ky akt ishte shkarkimi. Akt protokollar dhe jo detyrim. Deputetit Basha do i dërgohet një shkresë ku do të njoftohet me shkrim për këtë vendim” tha ai.
Ish-kryeministri Sali Berisha hyri me forcë në selinë e PD-së. Mesditën e sotme grupi i udhëhequr nga Sali Berisha u drejtua për në selinë blu me mbështetësit.
Discussion about this post